വൈരത്തിന്റെ ബാക്കിപത്രം

സ്നേഹദൂതനായ കൃസ്തുദേവന്റെ അനുയായികള്‍ തമ്മില്‍ തമ്മി ല്‍പോരുവിളിക്കുകയും വെട്ടുകയും കുത്തുകയും വൈരത്തിന്റെ വിത്തുപാകി അസമധാനം പടര്‍ത്തുന്നതുമായി ബന്ധപ്പെട്ട്‌ ഒരു പോസ്റ്റ്‌ ഇതിനുമുന്‍പ്‌ ഈ ബ്ലോഗ്ഗില്‍ ഇട്ടിരുന്നു.ഇവിടെ വായിക്കാം.ഈ പോസ്റ്റ്‌ അതിന്റെ ബാക്കിയാണ്‌.രണ്ടും മൂന്നുമായി പിരിഞ്ഞ കുഞ്ഞാടുകള്‍ ഒരു കാലത്ത്‌ ഒത്തുചേര്‍ന്ന് കുര്‍ബ്ബാന കൊണ്ട പള്ളികള്‍ ഇന്ന് സ്മാരകങ്ങളായി.ചിതലരിച്ചും പേരാല്‍ വളര്‍ന്നും ഇവ ഇന്ന് വൈരത്തിന്റെ സാക്ഷ്യപത്രങ്ങളായി നില കൊള്ളുന്നു.ഇവക്ക്‌ സമീപം മല്‍സരിച്ച്‌ പുതിയ ദേവാലയങ്ങള്‍ ഉയര്‍ന്നു.പെരുന്നാളുകളും പ്രദക്ഷിണങ്ങളും പലതായി കൊണ്ടാടി. ഇത്തരത്തില്‍ പൊളിഞ്ഞും പേരാല്‍മുളച്ചും നരിച്ചീറുകളുടെ ഗേഹവുമായ വൈരത്തിന്റെയും വിദ്വേഷത്തിന്റേയും ഒരു സ്മാരകത്തിന്റെ ചിത്രം ഇതാ.പുതിയ പള്ളി ഇതോടുചേര്‍ന്ന് രണ്ടെണ്ണം ഉണ്ട്‌.അതിലൊന്നും കാണാം.
ഇത്തരം ചിത്രങ്ങള്‍ എത്രവേണമെങ്കിലും ഇവിടുണ്ട്‌...