ഞാന്‍ കണ്ണൂരിനെ സ്നേഹിക്കുന്നു.കണ്ണൂരിന്റെ ഉജ്വലമായ ജനകീയപ്പോരാട്ടങ്ങളേയും
സാംസ്കാരികതനിമയേയും ഉയര്‍ന്ന സാമൂഹിക അവബോധത്തേയും ജനകീയകലകളേയും വശ്യമായ
പ്രകൃതിയേയും ചരിത്രമുറങ്ങുന്ന മണ്ണിനേയും ജനങ്ങള്‍ക്കുവേണ്ടി ജീവത്യാഗംചെയ്ത ധീര
ദേശാഭിമാനികളേയും ഞാന്‍ ആദരിക്കുന്നു സ്നേഹിക്കുന്നു.ഞാന്‍ വായിച്ചറിഞ്ഞതും
കണ്ടതുമായ കണ്ണൂര്‍ ഇതു തന്നെയാണ്‌.
കണ്ണൂരിനെ മാറ്റി നിര്‍ത്തിയാല്‍
കേരളചരിത്രമുണ്ടോ?സ്വാതന്ത്ര്യസമരത്തിന്റെ നിര്‍ണ്ണായക സമരങ്ങള്‍ നടന്നതും
നിസ്സഹകരണസമങ്ങള്‍ നടന്നതും കണ്ണൂര്‍ ഉള്‍ക്കൊള്ളുന്ന അന്നത്തെ
മലബാറിലായിരുന്നു.ഉപ്പു സത്യാഗ്രഹം കേരളത്തില്‍ നടന്നത്‌
പയ്യന്നൂരിലായിരുന്നു.പഴശ്ശിരാജയുടെ നേതൃത്വത്തില്‍ ഇംഗ്ലീഷുകാര്‍ക്കെതിരെ
നടന്നപോരാട്ടങ്ങളും കണ്ണൂരിലായിരുന്നു.ജന്മിത്വത്തിനെതിരെ നടന്ന മുനയങ്കുന്നിലേയും
തില്ലങ്കരിയിലയും ഓഞ്ചിയത്തേയും മോറാഴയിലേയും പഴശ്ശിയിലേയും സമരങ്ങളില്‍ എത്ര
ധീരരായ പോരാളികളാണ്‌ ജീവന്‍ നല്‍കിയത്‌.
സഹകരണപ്രസ്ഥാനത്തിന്റേയും
വായനശാലാപ്രസ്ഥാനത്തിന്റേയും ഈറ്റില്ലം കണ്ണൂരാണ്‌.ആയിരക്കണക്കിന്‌ തൊഴിലാളികളാണ്‌
സഹകരണപ്രസ്ഥാനത്തിനു കീഴില്‍ ഇവിടെ വരുന്നത്‌.കേരളത്തില്‍ ഏറ്റവും കൂടുതല്‍
വായനശാലകള്‍ ഉള്ളത്‌ കണ്ണൂരിലാണ്‌.ഏതൊരു ഗ്രാമത്തിലും ഒരു വായന ശാല
ഉണ്ടായിരിക്കും.സ്വാതന്ത്ര്യ സമരകാലത്തും തുടര്‍ന്നുള്ള ജനകീയ സമരങ്ങള്‍ക്ക്‌
ഊര്‍ജ്ജം പകര്‍ന്നത്‌ ഈ വായനശാലകളാണ്‌.
ഇന്‍ഡ്യന്‍ സര്‍ക്കസ്സിന്റെ ജന്മനാട്‌
കണ്ണൂരാണ്‌.കീലേരി കുഞ്ഞിക്കണ്ണനെ സ്മരിക്കാത്ത കണ്ണൂരുകാരുണ്ടോ?മലബാര്‍
സര്‍ക്കസ്‌,രാജ്‌ കമല്‍ സര്‍ക്കസ്സ്‌,ജംബോ സര്‍ക്കസ്സ്‌,ഗ്രേറ്റ്‌ ബോംബെ
സര്‍ക്കസ്സ്‌ എന്നിവയെല്ലാം കണ്ണൂരുകാരുടേതാണ്‌.
കായികരംഗത്ത്‌ കണ്ണൂര്‍ തല
ഉയര്‍ത്തിനില്‍ക്കുന്നു.ദക്ഷിണ ഇന്ത്യയില്‍ തന്നെ ആദ്യ ക്രിക്കറ്റ്‌ കളി
ആരംഭിച്ചത്‌ തലശ്ശേരിയിലായിരുന്നു.വെല്ലസ്ലി പ്രഭുവാണ്‌ തലശ്ശേരിയില്‍ ക്രിക്കറ്റ്‌
എത്തിക്കുന്നത്‌.നിരവധി സംസ്ഥാന കളിക്കാരുടെ നാടാണ്‌ തലശ്ശേരി.ഇന്ത്യന്‍ ബേക്കറി
വ്യവസ്സായത്തിന്റെ തലതൊട്ടപ്പന്മാരായ മമ്പിള്ളി കുടുംബം അന്നും ഇന്നും
ക്രിക്കറ്റിലെ തലശ്ശേരിപ്പെരുമ ഉയര്‍ത്തി നിര്‍ത്തുന്നു.
കണ്ണൂരിലെ പ്രധാന
അനുഷ്ടാന കലയായ തെയ്യവും മലബാറിനു മാത്രം സ്വന്തമാണ്‌.അധസ്ഥിതരുടെ പോരാട്ടവും
ചെറുത്തുനില്‍പ്പുമാണ്‌ പല തെയ്യം കഥകള്‍ക്കും നിദാനം.മുത്തപ്പനെപ്പോലെ ഇത്ര
ജനകീയനും സ്നേഹസ്വരൂപനുമായ ഒരു ദൈവ്വത്തെ ലോകത്തുതന്നെ കാണുമോ?സര്‍വ്വമതസ്ഥര്‍ക്കും
പങ്കാളിത്തമുള്ള ഒരു അനുഷ്ടാനകലയാണാ്‌ തെയ്യം.കാവുകളില്‍ അന്യമതസ്ഥരെ
അകറ്റിനിര്‍ത്തിയിരുന്നില്ല ഒരു കാലം വരെയും .ഇന്ന് കാവുകള്‍ ക്ഷേത്രങ്ങളായി
പരിണമിച്ചു കോണ്ടിരിക്കുകയാണ്‌.
ആയോധനകലയായ കളരിപ്പയറ്റിന്റെ നാടുകൂടിയാണ്‌
കണ്ണൂര്‍.സാഹിത്യ സാംസ്കാരിക നാടക രംഗത്ത്‌ ഇത്ര അധികം പ്രതിഭകളെ സമ്മാനിച്ച ഒരു
ജില്ലയുമില്ല.(ഒരു അപൂര്‍ണ്ണമായ ലിസ്റ്റ്‌ താഴെ കൊടുക്കുന്നു.പൂര്‍ത്തിയാക്കുവാന്‍
വായനക്കാരോട്‌ അഭ്യര്‍ത്ഥിക്കുന്നു)
ഇനിയും എത്രയോ എത്രയോ എഴുതാം.ഇത്രയും
സമ്പന്നമായൊരു പ്രദേശത്തെ ഇരുളടഞ്ഞ ആഫ്രിക്കപോലെ വായനക്കരുടെ മുന്‍പില്‍
അവതരിപ്പിക്കുന്ന പത്രങ്ങള്‍ മാപ്പര്‍ഹിക്കുന്നില്ല.കണ്ണൂര്‍ കേരളത്തില്‍
തന്നെയാണ്‌.ഒരാഴ്ച പരിശ്രമിച്ചാല്‍ ആര്‍ക്കും ഒന്നു ചുറ്റിവരാവുന്നതേ ഉള്ളൂ.അടുത്ത
ഒരു വെക്കേഷന്‍ കണ്ണൂര്‍ ആകട്ടെ എന്ന് ഇന്നു തീരുമാനിക്കുക.ഒരിക്കലും നഷ്ടം
വരില്ലന്ന് ഉറപ്പു തരുന്നു.തലശ്ശേരികോട്ട,കണ്ണൂര്‍കോട്ട,ധര്‍മ്മടം
ദ്വീപ്‌.കൊട്ടിയൂര്‍ ക്ഷേത്രം,പയ്യാമ്പിള്ളി,അണ്ടല്ലൂര്‍.തൊടീക്കളം,ലോകനാര്‍
കാവ്‌..ഒരിക്കലും നിരാശപ്പെടുത്തില്ല...പത്രങ്ങള്‍ തന്നത്‌ വികലചിത്രമാണെന്ന്
നമുക്ക്‌ ബോധ്യമാകും..എറണാകുളം ജില്ലക്കാരനായ എനിക്ക്‌ ബോധ്യപ്പെട്ടതുപോലെ...(തുലാം
പത്തിനു ശേഷം പോയാല്‍ മാത്രമെ തെയ്യം കാണുവാനാകൂ)..ഞാന്‍ എടുത്ത ചില കണ്ണൂര്‍
ചിത്രങ്ങള്‍ കൊടുക്കുന്നു.
കണ്ണൂരിലെ പ്രതിഭകളും
വീരന്മാരുംഇ.കെ.നായനാര്‍
കെ.കരുണാകരന്‍
എ.കെ.ജി
സുകുമാര്‍ അഴീക്കോട്‌
പഴശ്ശിരാജ
പി.കൃഷ്ണപിള്ള
അഴീക്കോടന്‍ രാഘവന്‍
കേളപ്പന്‍
ം.കെ.ഗോവിന്ദന്‍ നായര്‍
കെ.എം.ബാലകൃഷ്ണന്‍
കെ.പി.ആര്‍.നമ്പ്യാര്‍
മേജ.ജനറല്‍.പദ്മിനി
മൂര്‍ക്കൊത്ത്‌ കുഞ്ഞപ്പ
മൂര്‍ക്കോത്ത്‌ രാമുണ്ണി
മൂര്‍ക്കൊത്ത്‌ ശ്രീനിവാസന്‍
പി.കെ.പഴശ്ശി
സ.അനന്തന്‍
സ.ബാലകൃഷ്ണന്‍
ആര്‍ടിസ്റ്റ്‌ ബാലന്‍ നംബ്യാര്‍
കെ.പി.ആര്‍
രാഘവന്‍ മാസ്റ്റര്‍(നാടക നടന്‍)
സി.എച്ച്‌.കുഞ്ഞപ്പ
എന്‍.എ.ബാലറാം
വി.എസ്സ്‌.മുന്‍ഷി
വി.ആര്‍.കൃഷ്ണയ്യര്‍
പി.എം രാഘവന്‍(ക്രിക്കേറ്റ്‌)
പി.എം.കൃഷ്ണന്‍
പി.എം.നാരായണന്‍
പി.എം.അനന്തന്‍
പി.എം.വിജയന്‍
കീലേരി കുഞ്ഞിക്കണ്ണന്‍(സര്‍ക്കസ്സ്‌)
പദ്‌ മശ്രീ.ഇ.കെ.ജാനകിക്കുട്ടി(സയന്റിസ്റ്റ്‌)
ഡോ.ബാപ്പു(ഇദ്ദേഹത്തിന്റെ പേരില്‍ ബാപ്പു ബോര്‍ ന്യൂകേര്‍ക്ക്‌ എന്ന് ഒരു ധൂമകേതുവിനെ നാമകരണം ചെയ്തിട്ടുണ്ട്‌)
ഡോ.വേണു(ഡോ.ബാപ്പുവിന്റെ മകന്‍)
ഡോ.എം.സി.രാഘവന്‍
ശേഷഗിരി പ്രഭു
ഒ.ചന്തുമേനോന്‍
മാണിക്കോത്ത്‌ രാമുണ്ണിനായര്‍
സഞ്ജയന്‍
സി.എച്ച്‌.കണാരന്‍
കെ.രാഘവന്‍ മാസ്റ്റര്‍(സംഗീത സംവിധായകന്‍)
എ.പി.ഉമ്മര്‍കുട്ടി
അരുന്ധതി(ഗായിക)
വേങ്ങയില്‍ കുഞ്ഞിരാമന്‍ നായനാര്‍
എടത്തിട്ട നാരായണന്‍(link.patriot എന്നീ പ്രസിദ്ധീകരണങ്ങളുടെ സ്ഥാപകന്‍)
പവനന്‍
സി.പി.അച്യുതന്‍
വി.പി.സത്യന്‍
ദീപക്‌ ദേവ്‌
ശ്രീനിവാസന്‍(നടന്‍)
വിനീത്ശ്രീനിവാസന്‍
വി.കെ.കൃഷ്ണമേനോന്‍
സി.പി.(ലീല)കൃഷ്ണന്‍ നായര്‍(വ്യവസായി)
സംവൃതാസുനില്‍
എം.എന്‍.നമ്പ്യാര്‍
മഞ്ജുവാര്യര്‍
ദാസ്സ്‌ പുത്തലത്ത്‌(കതിരൂരിലെ ചിത്രകാരന്‍)
എം.എന്‍.വിജയന്‍
അനില്‍പൊന്യം(")
പ്രേമന്‍പൊന്യം(')
കോട്ടയം തമ്പുരാന്‍(കഥകളി)
കവിയൂര്‍ ബാലന്‍
മൊയാരത്ത്‌ ശങ്കരന്‍
നിത്യചൈതന്യയതി
പി.ആര്‍.കുറുപ്പ്‌
ഐ.വി.ദാസ്സ്‌
എം.വി.ദേവന്‍
തായാട്ട്‌ ശങ്കരന്‍
ശ്രീധരന്‍ ചമ്പാട്‌
കെ.പി.എ.റഹീം
കാക്കനാടന്‍
അഴീക്കോടന്‍ രാഘവന്‍
എം.മുകുന്ദന്‍(മയ്യഴി)
ഐ.കെ.കുമാരന്‍ മാസ്റ്റര്‍
ഹെര്‍മ്മന്‍ ഗുണ്ടര്‍ട്ട്‌
ബ്രണ്ണന്‍
പി.വി.കുഞ്ഞിക്കണ്ണന്‍
കെ.തായാട്ട്‌
പുനം നമ്പൂതിരി
കെ.കെ.എന്‍.കുറുപ്പ്‌
കെ.ഇ.എന്‍
വാഗ്ഗ്ഭടാനന്ദന്‍
പിണരായി വിജയന്‍
കോടിയ്യേരി ബാലകൃഷ്ണന്‍
സതീഷ്ബാബു പയ്യന്നൂര്‍
പി.വല്‍സല
ഇനിയും ഇനിയും എത്രപേര്‍.......
4 അഭിപ്രായങ്ങൾ:
പിന്നെ മണി ചേട്ടനും
only comrades? haven't seen a single entrepreneur?
കണ്ണൂരിൽ നിന്നുള്ള മഹാന്മാരുടെ പേരുകൾ കേട്ടിട്ട് കണ്ണൂർക്കാരിയായ ഞാനാകെ ഞെട്ടിയിരിക്കയാണ്!!!!!!!!!!!!
Post a Comment